Presidenti Joe biden njoftoi zyrtarisht një paketë të re ndihme ushtarake për Ukrainën të mërkurën me vlerë 700 milionë dollarë, duke përfshirë sistemet e raketave me rreze të gjatë. Në një opinion për atë se cfarë ka ndodhur në këto 100 ditë luftë, të publikuar në neë york times presidenti joe biden thotë se ukrainasit surprizuan Rusinë dhe frymëzuan botën me sakrificën dhe vendosmërinë e treguar. Ndërsa shumë shtete, në drejtimin e Shteteve të Bashkuara të Amerikës dhe treguan mbështetjen e tyre për Ukrainën. Qëllimi i Amerikës është të shohë një Ukrainë demokratike, të pavarur, sovrane dhe që të ketë mjetet e duhura për të mbrojtur veten kundër agresionit të mëtejshëm, thotë biden. “Ne Do të vazhdojmë t’i ofrojmë Ukrainës armatime të avancuara, duke përfshirë raketat antitank Javelin, raketat kundërajrore Stinger, artileri të fuqishme, radarë, mjete ajrore pa pilot, helikopterë Mi-17 dhe municione. Do të dërgojmë miliona dollarë të tjerë ndihmë financiare dhe do të punojmë me partnerët tanë për të trajtuar krizën globale të ushqimit që agresioni i Rusisë po përkeqësohet”. Presidenti biden nuk lë pa përmendur edhe rolin e nato dhe kërkesat për anëtarësim nga finlanda dhe suedia. ‘Bashkimi i Finlandës dhe Suedisë në aleancë do të forcojë sigurinë e përgjithshme të SHBA-së, duke shtuar dy partnerë ushtarakë demokratikë”, thotë Biden, duke përmbyllur se në planet e tyre nuk është një luftë mes NATO-s dhe Rusisë. “Për sa kohë që Shtetet e Bashkuara ose aleatët tanë nuk sulmohen, ne nuk do të përfshihemi drejtpërdrejt në këtë konflikt, qoftë duke dërguar trupa amerikane për të luftuar në Ukrainë ose duke sulmuar forcat ruse”,