Kryeministrja e Serbisë, Ana Brnabic, të hënën mund të vizitojë Kosovën. Mediat atje thonë se shefja e ekzekutivit serb ka ndërmend ta fillojë vizitën e saj në Mitrovicë, e më pas planifikon të udhëtojë drejt Zveçanit. Prej aty, rrugëtimin pretendon ta vazhdojë në Leposavic për t`u takuar me qytetarë serb të Kosovës, të cilëve e ashtuquajtura “Zyra për Kosovën” ia ka ndërtuar disa ambjente të reja. Zyra e drejtuar nga Petar Petkovic thotë se kanë bërë publike vizitën e Brnabicit 72 orë përpara, në përputhje me marrëveshjen për vizita zyrtare. Sesa do të lejohet ajo ndërkohë nga institucionet e Kosovës, kjo mbetet për t`u parë. Nëse autoritetet kosovare i japin dritën jeshile nismës së shefes së ekzekutuvit serb, atëherë kjo do të përbëjë të parën herë që Brnabic viziton Republikën e Kosovës. Ne 202-ten, iu ndalua hyrja në Kosovës presidentit Aleksandar Vucic, i cili do të shoqërohej nga Petkovic dhe ministri i brendashëm serb Aleksander Vulin. Ata madje kishin kërkuar leje edhe për armë e eskortë policore, por që iu refuzua nga Ministria e Jashtme e Kosovës e cila e cilësoi këtë vizitë një provokim. Nëse konfirmohet, kërkesa e Brnabic vjen në një kohë ripertëritjeje të tensioneve mes dy vendeve. Prishtinë në 1 gusht lëshoi për disa orë dokumente hyrje-daljeje për shtetasit e saj, por vendimi u pasua nga vendosja e barrikadave në kufi prej serbëve lokalë. Pasi ata hoqën barrikadat, Qeveria në Prishtinë, shtyu vendimin për 1 shtator. Per dokumentet në fund u arrit një marrëveshje që nisi nga zbatimi një ditë më parë, ndërsa për targat e makinave ende nuk ka dakortësim. Pamjet: AFP