Serbia nënshkroi të hënën në Xhakartë, Indonezi, Traktatin e Miqësisë dhe Bashkëpunimit në Azinë Juglindore me Shoqatën e Kombeve të Azisë Juglindore (ASEAN) në Samitin e 43-të. Ministri i Jashtëm i Serbisë, Ivica Daçiq, nënshkroi Instrumentin e Aderimit në Traktat në prani të ministrave të jashtëm të vendeve anëtare të ASEAN-it. Para ceremonisë së nënshkrimit, Daçiq e përshkroi ngjarjen si "të suksesshëm për bashkëpunimin e mëtejshëm me vendet mike të Azisë Juglindore". Ai përshkoi më tej miqësinë e hershme mes vendeve, që nga koha e ish-Jugosllavisë, por nuk harroi edhe të theksonte se këto vende mbështesin idenë e Serbisë se Kosova është pjesë e saj “Ne ndajmë ndjenja jashtëzakonisht miqësore me Indonezinë dhe anëtarët e tjerë të ASEAN. Parimet që i kemi respektuar gjatë gjithë këtyre viteve janë edhe parimet e ASEAN-it: respekti reciprok për pavarësinë, sovranitetin, barazinë, integritetin territorial, identitetin kombëtar, mosndërhyrjen në çështjet e brendshme të shteteve të tjera, zgjidhje miqësore të mosmarrëveshjeve”, tha Daçiç. Përveç Serbisë, Panamaja dhe Kuvajti gjithashtu do t'i bashkohen Traktatit të Miqësisë dhe Bashkëpunimit të ASEAN-it. Oferta e Serbisë për t'u bashkuar me aleancën u miratua unanimisht në seancën e 56-të plenare të këshillit të ministrave të jashtëm të ASEAN-it, e cila u zhvillua në Xhakartë më 12 korrik. Pamjet: AFP