Ministria ruse e mbrojtjes shfaqte sot pamjet e luftanijeve të saj që mbërrinin në Gjirin e Sevastopol në gadishullin e Krimesë. Manovrat vijnë në një kohë tensionesh ushtarake me Ukrainën dhe Perëndimit teksa qindra mijëra trupa ruse janë akumuluar në kufi. NATO thotë se dislokimet e ushtrisë dhe raketave ruse janë një “moment i rrezikshëm" për sigurinë evropiane. Disa liderë perëndimorë kanë qenë ditët e fundit në Moskë për bisedime, duke i dhënë mundësi Rusisë të shprehet për shqetësimet e saj mbi zgjerimin e NATOs në lindje. Ministrja britanike e mbrojtjes Liz Truss i kërkoi dje Moskës të tërheqë trupat e saj për të dëshmuar se nuk ka për qëllim të puoshtojë Ukrainën. Kievi ka denoncuar manovrat ushtarake të Moksës duke i quajtur "presion psikologjik, ndërsa ministri francez i mbrojtjes i quante "gjeste të dhunshme". Autokolona me sisteme raketore ruse shiheshin sot që shkonin drejt lindjes ndërsa gjashtë luftanije kaluan ngushticën e Bosforit për manovra në Detin e Zi.