Rusia lëshoi sot me sukses një anije hapësinore transportuese pa ekuipazh, për dërgimin e furnizimeve në Stacionin Ndërkombëtar Hapësinor. Mjeti u lëshua nga kosmodromi ne Kazakistan në mesnatë dhe ka arritur në orbitë, njofton agjencia hapësinore ruse Ros-kosmos. Pas mbërritjes në stacionin hapësinor anija do të ankorohet në modulin Poisk, në segmentin rus të Stacionit Ndërkombëtar Hapësinor, ku do të qëndrojë pesë muajt e ardhshëm. Më vonë mjeti pritet të bashkohet me anijen ruse laborator "Nauka" ndërsa në nëntor do të përfundojë misionin e saj. Kthimi i saj në tokë do të jetë në fakt një shkatërrim i sigurt dhe i planifikuar, për të reduktuar mbetjet hapësinore në zonat pranë planetit tonë. Anija do të digjet gjatë hyrjes në atmosferën e tokës, e planifikuar mbi oqeanin Paqësor, njofton NASA.