Përplasen me policinë kundërshtarët e reformës së pensioneve në Francë. Përpjekja e Presidentit Emmanuel Macron për të rritur moshën e daljes në pension ka ngjallur kundërshtim të madh nga sindikatat, e majta dhe publiku më i gjerë, me protestat e mëparshme më 19 dhe 31 janar që shkaktuan demonstrata masive. Zbatimi i kësaj politike përballë opozitës që ka dalë në rrugë dhe po bën betejë dhe në parlament, shihet si një provë e fortë për presidentin macron në fillimin e mandatit të tij të dytë. Indikacionet fillestare treguan se pjesëmarrja ishte në rënie me sindikatat e linjës së ashpër CGT duke thënë se 400,000 njerëz po protestonin në Paris, krahasuar me 500,000 në 31 janar dhe 400,000 në 19 janar. Shifrat nga qytetet provinciale franceze treguan gjithashtu një prirje rënëse. Ka pasur gjithashtu përleshje të izoluara në disa qytete, duke përfshirë Nantes, Paris dhe Rennes, me policinë duke përdorur gaz lotsjellës kundër protestuesve. Kreu i sindikatës CGT, Philippe Martinez, tregoi se lufta nuk do të pushonte, duke paralajmëruar se do të vinin më shumë greva nëse qeveria nuk tërhiqej nga plani.