Kjo e martë riktheu rrezikun e zjarreve në vend. Në orët e pasdites, dy vatra të mëdha zjarri përfshinë tokat bujqësore në Fier dhe tymi mbuloi gjithë qytetin. Njëra vatër u shënua pranë fshatit Daullas dhe tjetra në periferi të qytetit, ku flakët përfshinë sipërfaqe të konsiderueshme tokash bujqësore dhe kallamishtesh, duke krijuar re të dendura tymi që u përhapën mbi zonat e banuara.