Angazhimi maksimal i Top Channel për t’i qëndruar pranë të gjithë shqiptarëve edhe në këtë moment të vështirë me emergjencën e koronës, ka sjelle një shikueshmëri rekord të programeve. Jo vetëm në transmetimet televizive por edhe në kanalin tonë në youtube. Në muajin Mars, kanali i Top Channel që ka 1 milionë e 60 mijë abonente por edhe shikues të jetë, I kanë parë prodhimet e Top Channel plot 97.6 milionë dhe te gjithë se bashku kane shpenzuar 10.7 milionë ore. Nevoja maksimale për të qenë sa më pranë të informuar ndërsa shqiptarët në Shqipëri e kudo në botë janë në izolim, ka rritur shikueshmërinë. Këtij interesi Top Channel i është përgjigjur me një punë të madhe në volum por edhe cilësore. Prej katër javësh informacioni ka qenë kryefjala e ekranit tonë. Edicionet informative të mbrëmjes janë zgjatur në 60 minuta me një mbulim të plotë të gjithë thellësisë së problemeve dhe gjeografisë. Në fashot e tyre emisionet “Wake Up”, “Shqipëria Live”, "Portokalli", “Pop Culture”, “Ftesë në Pesë”, “Fiks Fare”, “Gjurmë Shqiptare”, “Fshatrat e Shqipërisë”, “Ora e Tiranës”, “Lindje Perëndim”, “E Diell”, “Vitrina e Librit” dhe emisioni politik “Open” kanë qenë dhe janë zgjedhja e parë e shqiptarëve.