Njerëz që i largohen luftës në Ukrainë gjejnë strehim në një qendër refugjatësh në qytetin jugor polak Przemil, pas udhëtimit me autobuz nga Medika. Rojet kufitare polake thonë se rreth 1.5 milionë njerëz kanë kaluar kufurin drejt Polonisë që prej nisjës së konfliktit në Ukrainë. Agjencia e OKB-së për Refugjatët, UNHCR tha se numri i njerëzve të larguar nga Ukraina që nga fillimi i sulmit rus më 24 shkurt, ka arritur në 1.7 milionë. Shifrat e bëjnë konfliktin, krizen me rritjen më të shpejtë të numrit të refugjatëve në Evropë që nga Lufta e Dytë Botërore. Poloni është vendi që ka pritur numrin më të madh të refugjatëve të larguar nga Ukraina, që llogaritet në gjysmën e tyre. Shumica e refugjatëve të sapoardhur dërgohen me autobus në qendrat e pritjes larg kufirit. Disa prej tyre kanë familje ose miq në Poloni ku mund të qëndrojnë. Por shumë prej tyre nuk kanë ku të shkojnë. Atyre u jepen shtretër në qendra të përkohshme strehimi, të ngritura nga grupet e bamirësisë.