Pas kreut të SPAK-ut Altin Dumani “bekimin” e Shteteve të Bashkuara për të vijuar me reformën në drejtësi e kanë marrë edhe krerët më të lartë të drejtësisë në vend. Një delegacion i përbërë nga Kryetarja e Gjykatës Kushtetuese, Holta Zaçaj, Kryetari i Gjykatës së Lartë, Sokol Sadushi dhe zëvendëskryetari Ilir Panda, po ashtu gjyqtarët e Gjykatës Kushtetuese, Elsa Toska, Sonila Bejtja, Sandër Beci, Ilir Toska dhe Genti Ibrahimi udhëtuan drejt Shteteve të Bashkuara të Amerikës ku zhvilluan takime zyrtare me përfaqësues të lartë të institucioneve të drejtësisë në Ëashington, në të cilat ishte i pranishëm edhe Ambasadori i Republikës së Shqipërisë në SHBA, z. Ervin Bushati. Krerët më të lartë të institucioneve të drejtësisë në Shqipëri u takuan me Zëvendësndihmësin e Prokurorit të Përgjithshëm, Bruce Sëartz dhe Zëvendësndihmësen Kryesore të Sekretarit të Shtetit për Çështjet Evropiane dhe Euroaziatike, znj.Yuri Kim. Në fokus të diskutimeve ishte reforma në drejtësi dhe rëndësia që mbart realizimi i saj me sukses për krijimin e një sistemi gjyqësor eficent dhe të pavarur me qëllim ecjen para drejt rrugës euroatlantike dhe rritjes së besimit të qytetarëve tek sistemi i drejtësië. Zyrtarët e lartë të Departamentit të Drejtësisë dhe Departamentit të Shtetit shprehën gatishmërinë për të vazhduar mbështetjen e ofruar nga shteti amerikan për implementimin me suksese të reformës në drejtësi dhe rritjen e besueshmërisë te gjyqësori shqiptar. Mesazhet e tyre ishin vazhdim i mbështetjes që vetë sekretari Amerikan i shtetit Antony Blinken dha për njerëzit e drejtësisë, të cilët i takoi veçmas gjatë vizitës së tij të parë në Shqipëri më 15 shkurt të këtij viti. Pamjet: AFP