Kryeministri Edi Rama njoftoi një program për familjet me ndihmë ekonomike. Në Asamblenë Socialiste, në njësinë 3 të Tiranës, kryeministri tha se ata do të pajisen me një kartë për të marrë ushqimet, që do iu mundësojë edhe paketat mbrojtëse, nëse do të jetë e nevojshme. “Një program që besoj do ta fusim shpejt është një program që do të na sigurojë që duke filluar nga familjet me ndihmë ekonomike t’i pajisim me një kartë që ta përdorin për të marrë ushqimet në çdo vend që ka kasë dhe garantojmë që gjithë ç’paguan shteti për ndihmë ekonomike, shkon për ndihmë ekonomike. Ky është hapi dhe kategoria e parë sepse pastaj do të kemi mundësi që nëse duhet bërë një paketë mbrojtëse, mund t’ua japim te karta. Me këtë do të bëjmë mbështetjen për punonjësit e policisë, ushtarakët etj”.