Kryeministri Edi Rama ka reaguar serish në lidhje me akuzat nga presidenti Ilir Meta ndaj drejtorit të përgjithshëm të DPSHTRR-së. Përmes një fotomontazhi ai ka shkëputur pjesë të fjalimit të Metës dhe kryetares së LSI-së, Monika Kryemadhi. Rama thotë se vëllai i saj, Drini Kryemadhi drejtonte koncesionin e kolaudimit fitoi 400 mln lekë. Zbardhja e videos: “Ja videoja e Blendi Gonxhes që Iliri nuk e shfaqi dje mes “fakteve” të konferencës së tij”, tha Rama. “Si shushunja pinë çdo ditë gjakun e popullit tonë me koncesione të frikshme të PPP-ve”, tha Ilir Meta. “Koha kur vëllai i Monikës dhe kunati i Ilirit drejtonte koncesionin e kolaudimit”, shkruan Rama në video. ”Por çfarë fitoi Shqipëria që të fitonte Drini Kryemadhi?”, shkruan Rama. “Çdo qytetar që fut dorën në xhepin e buxhtetit të shtetit jo të dënohet por të marrë përgjegjësinë më të madhe se boll ky popull ka vuajtur”, tha Kryemadhi. “400 mln lekë ka përfituar Drini Kryemadhi”, shkruan Rama. “Prandaj jemi këtu sot se të gjithë fusin duart e s’mban asnjë njeri përgjegjësi”, tha Kryemadhi. Kujtojmë se meta një ditë më parë bëri publik një prej mesazheve të Erion Manes, i cili është një prej biznesmenëve që i është drejtuar presidencës për shkak të problemit që pati me Autoritetet Rrugore dhe përgjigjes që mori nga Blendi Gonxhe, drejtori i përgjithshëm i DPSHTRR.