Me krizën humanitare në Gaza që sa vjen e rëndohet dhe vendosmërinë e Izraelit për ta cuar deri në fund këtë ofensivën e tij kundër Hamasit, diplomacia ndërkombëtare është vënë në lëvizje për të zbutur konfliktin e për të ofruar zgjidhje të pranueshme për të dyja palët. Një propozim mbi mënyrën sesi mund të qetësohet situata atje, e bën edhe kryeministri Edi Rama. Përmes një mesazhi në platformën X, shefi i ekzekutviit sqaron se ndërsa qeveria shqiptare qëndron më vendosmëri në krah të Izraelit kundër Hamasit, asjo është gjithashtu shumë të shqetësuar për vuajtjet e civilëve dhe shkatërrimin në Gaza. Është thelbësore t'i jepet fund këtij konflikti përpara se ai të përshkallëzohet më tej dhe të dalë jashtë kontrollit, thotë kryeministri, i cili vjen edhe me një propozim konkret: atë që siguria në Gaza t`i besohet përkohësisht një force neutrale ndërkombëtare, cka duhet të jetë më e pranueshme për të dyja palët.