Top Channel/Rama: Ndihmë deri në moshën 18 vjeç për fëmijët e mjekëve të rënë në krye të detyrës

Kryeministri Edi Rama gjatë aktivitetit në kuadër të Ditës Ndërkombëtare të Infermierëve, ku e pranishme është edhe ambasadorja e SHBA-së, Yuri Kim tha se në mandatin e tretë do të ketë një ndihmë të posaçme për fëmijët e bluzave të bardha të rënë në krye të detyrës. Ndërsa shprehu mirënjohje për të gjithë, përfshirë mjekë dhe infermierë, ai theksoi se për ta do të ketë një kujdes të posaçëm nga shteti deri kur të mbushin moshën madhore, 18 vjeç.