Nëpërmjet një akti normativ buxheti i shtetit ka shpërndarë 46 miliardë lekë. Pjesa më e madhe e shumës ka shkuar për rindërtimin me 12 miliardë lekë shtesë. Gjithashtu 1.8 miliardë lekë për fermerët, ndërsa 8 miliardë lekë do të shkojnë për projektet rrugore ne ministrinë e infrastrukturës. Nga ndryshimet buxhetore ministrisë së shëndetësisë i janë ulur me 3 miliardë lekë fondet për shërbimin parësor dhe dytësor. Ndërkohë buxhetit i janë shtuar 2 miliarde lekë për fondin shqiptar të zhvillimit. Shpenzimet për shërbimet qeveritare janë shtuar me 400 milionë lekë më shumë. Ndërkohë 1 miliardë lekë shkojnë per indeksimin e pensioneve. Qeveria ka menduar të lërë para edhe për fondin rezerve, që rritet me 1.7 miliardë lekë. Sa i takon shpenzimeve per interesa të brendshme të borxhit publik, ato janë rritur me 4 miliarde lekë. Qeveria ka vendosur fond shtesë edhe për pagesat ndaj ish-të përndjekurve. Të ardhurat totale të buxhetit jane shtuar me 7.5 miliardë lekë, por këto nuk sollën rritjen e shpenzimeve, ndersa ekzekutivi ka vendosur të mbaje te pandryshuar deficitin dhe të ulë borxhin publik.