Top Channel/ Qeveria fal gjobat e 10 viteve nga policia, AKU, IKMT, Inspektorati Shëndetësor
09/05/2025 19:32

Këshilli i Ministrave vendosi faljen e gjobave të vendosura nga data 1 janar 2015 deri më 30 nëntor 2024, përfshirë gjobat e vendosura nga Policia e Shtetit, Policia Bashkiake, IKMT, AKU dhe Inspektorati Shtetëror Shëndetësor. Me vendim të Këshillit të Ministrave, qeveria ka falur gjobat e vendosura nga disa institucione për një periudhë 10-vjeçare, nga data 1 janar 2015 deri më 30 nëntor 2024. Për masat administrative të vendosura nga inspektoratet vendore të mbrojtjes së territorit, Inspektorati Kombëtar i Mbrojtjes së Territorit, Autoriteti Kombëtar i Ushqimit, Inspektorati Shtetëror Shëndetësor, si dhe Policia e Shtetit e Policia Bashkiake, të gjitha gjobat do të falen. Konkretisht, procesi i fshirjes zbatohet për masat që janë vendosur për ndërtime pa leje apo njoftim paraprak, gjobat e vendosura nga AKU për bizneset që janë identifikuar në shkelje, si dhe për individët apo bizneset që nuk kanë zbatuar rregullat e vendosura për administrimin e situatës Covid-19 gjatë periudhës së pandemisë. “Zbatohet vetëm për masat që janë vendosur ndaj individëve/bizneseve që kanë realizuar ndërtime pa leje për qëllime banimi, objekte ku kryhen veprimtari të prodhimit, magazinimit të produkteve bujqësore dhe blegtorale, biznese që kanë objekt të aktivitetit të tyre prodhimin, përpunimin e produkteve bujqësore dhe blegtorale në zonat rurale.” Vendimi përfshin edhe gjobat e vendosura gjatë kësaj periudhe nga Policia e Shtetit apo edhe ajo bashkiake për parkim apo tejkalim shpejtësie. “Drejtoritë vendore të policisë, brenda 30 ditëve nga hyrja në fuqi e këtij vendimi, përgatisin listat e individëve ndaj të cilëve, nga struktura e tyre policore është vendosur masë administrative, që rezultojnë të paekzekutuara, plotësisht ose pjesërisht, dhe që janë shfuqizuar sipas ligjit.” Për gjobat që nuk janë hequr apo fshirë, të cilat sipas vendimit kategorizohen përfituese, individët do të paraqesin kërkesën pranë institucionit përkatës nga i cili e kanë marrë këtë masë administrative. Ndërmarrja e një vendimi të tillë shoqërohet me kosto, dhe sipas VKM-së, do të përballohen nga secili institucion. Qytetarët do të kenë 30 ditë kohë për të kërkuar fshirjen e gjobave, ndërsa ligji do të jetë në fuqi për 2 muaj. Falja e gjobave erdhi si propozim i 35 deputetëve socialistë, të cilët kërkuan që ligji të kalojë me procedurë të përshpejtuar që në muajin janar, por kjo nuk u realizua.

Top Channel/ Përfshihet nga flaken një banesë në Korçë, lëndohet pronari
22/07 20:11
Top Channel/ Spak çon për gjykim dosjen e UBT! Janë 29 persona të akuzuar për abuzim me tendera
22/07 19:39
Top Channel/ “Reformë në universitete”, Rama: Universitetet duhet të jenë qendra kërkimore shkencore
22/07 19:37
Top News- ‘Bankers’ reagon për hetimin/ ‘I drejtohemi arbitrazhit për ndërhyrjet e panevojshme’
22/07 18:48
Top News – Shmang përplasjen me bombarduesin B-52 / Avoni i pasagjerëve bën ‘manovra agresive’
22/07 17:39
Top News – Armë bërthamore amerikane në Britani / Për herë të parë në 15 vjet, alarmohet Rusia
22/07 17:39
Top News- 21-vjeçari shiste kanabis në Tiranë/ Tentoi të fshihej në bilardo, arrestohet
22/07 17:38
Top News – Arrestime dhe vdekje misterioze…Raprezalja e Putinit vazhdon, elita ruse jeton në frikë
22/07 17:38
Top News- I fundit që pa Ervis Martinajn/ Gjykata e lartë refuzon pafajësinë për ish- efektivin
22/07 17:23
Top News- Ekzekutimi i Gentian Bejtjas/ Lirohet nga qelia njëri prej autorëve të dyshuar
22/07 17:23
Top News- ‘SPAK njoftoi mediat para Veliajt’/ Mbrojtësit e kryebashkiakut- Praktikë joligjore
22/07 16:48
Top News- ‘KE dënoi Skavicën’ / Berisha-Projekti që do të asgjësonte Dibrën
22/07 16:37
Top News – Parku fotovoltaik i Belshit. Nënshkruhet kontrata e grantit me BE dhe huasë me BERZH
22/07 16:34
Top News- ‘350 kuti u zhdukën nga magazinat e KQZ’/ Berisha-U zhvendosën para zgjedhjeve. Kemi prova
22/07 16:33
Top News – Dëshmia për Banjskën / Kur u kuptua se ishte një sulm i organizuar terrorist
22/07 16:10
Top Channel/ Shfaqet një vatër e re zjarri në Bulqizë, flakët rrezikojnë banesat e fshatit Softaçan
22/07 15:43
Top News – Mbyllen hetimet për Veliajn. Prokuroria e Posaçme nis komunikimin e akuzave në dosje
22/07 15:33
Top Channel/ Dita Botërore e Trurit! Mjekët tregojnë sfidat: Sëmundjet në rritje pas COVID-it
22/07 15:27
Top Channel/ Dentistë me materiale të skaduara: Dy të arrestuar në Tiranë, 12 punonjës nën hetim
22/07 15:22
Top Channel/ Zjarri dëbon banorë dhe bagëti në Vlorë, flakët kërcejnë stanet në Dukat
22/07 15:18