Tetë protestues anti-qeveritarë në Francë përfunduan në pranga pasi rrahën Jean-Baptiste Trogneux, nipin e Zonjës së Parë, Brigitte Macron. Incidenti ndodhi në qytetin Amiens, në veri të vendit fill pas një fjalimi televiziv që kishte mbajtur shefi i Elizesë. Macron reagoi menjëherë duke e cilësuar këtë një gjest prej burracakësh dhe një akt të papranueshëm dhune që nuk ka vend në një demokraci. Trogneux u sulmua përpara dyqanit të cokollatave të familjes, i cili është vënë vazhdimisht në shënjestër të demonstruesve. Ndërhyrja e fqinjëve të 30 vjecarit bëri që agresorët të largoheshin. Teksa priste rezultatet e skanerit të të birit të goditur në pjesë të ndryshme të trupit, babai i tij u shpreh i indinjuar duke thënë se “kjo e mbushi kupën’. Reforma e qeverisë së Macronit për rritjen e moshës së daljes në pension, ka shkaktuar pakënaqësi në vend dhe prej muajsh, rrugët e qytetëve të Francës janë mbushur nga protestues të zemëruar. Ata argumentojnë se edhe mënyra të tjera për ta financuar sistemin e pensioneve, duke sjellë këtu si shembull vendosjen e një takse për të pasurit ose për punëdhënësit. Sindikatat kryesore franceze kanë bërë thirrje për një raund tjetër demonstratash dhe grevash mbarëkombëtare më 6 qershor. Pamjet: AFP