Në Tiranë u zhvillua një protestë për Eglantin Progën, 42 vjeçarin që humbi jetën në Pogradec 9 ditë më parë pas dhunës së ushtruar nga Denis Meçe. Në tubimin e së hënës në mbrëmje, ishin të pranishëm edhe familjarët e tij. Në fjalën e saj motra e Eglit, Jonida bëri apel të fortë për drejtësi. 'Egli nuk vdiq nga pija as nga një shpullë apo grusht. U lëndua nga 4 barbar. Njëri u dorëzua dhe të tjerët kanë 9 ditë që pijnë raki. Prokurorja që la barbarët jashtë për të pirë raki është hequr nga çështja sipas kërkesës sime dhe është marrë nga një tjetër prokuror. Egli vdiq nga duart e maskarenjve nga gangot e qytetit ku jam rritur, nga fëlliqësirat e Pogradecit” Denis Meçe aktualisht ndodhet në burg, ndërsa vrasja e 42 vjeçarit shkaktoi përplasje institucionale mes policisë dhe prokurorisë.