Partia në pushtet në Gjeorgji njoftuar se do t’i pezullojë bisedimet për anëtarësim në Bashkim Evropian deri më 2028, duke refuzuar edhe grantet buxhetore nga Brukseli. Praktikisht ka ndalur aplikimin për t’iu bashkuar bllokut, që ishte një synim i hershëm i Gjeorgjisë. Si kundërpërgjigje, mijëra protestues pro-BE bllokuan rrugët në kryeqytetin Tbilisi, ndërsa presidentja Salome Zourabishvili ka thënë se Qeveria i ka shpallur “luftë” popullit me këtë lëvizje. Blloku qeverisës “Ëndrra Gjeorgjiane” ka akuzuar BE-në për “fyerje”. Në një deklaratë tha se Brukseli se po e përdor mundësinë e bisedimeve për anëtarësim për ta “shantazhuar” vendin, dhe për “të organizuar një revolucion në Gjeorgji”. Gjeorgjia, me 3.7 milionë banorë, ka të shënuar në Kushtetutë qëllimin për anëtarësim në Bashkim Evropian dhe tradicionalisht ishte më pro-Perëndimorja nga shtetet e dala nga Bashkimi Sovjetik i dikurshëm. Marrëdhëniet e Gjeorgjisë me Brukselin janë prishur dukshëm në muajt e fundit, pas akuzave të BE-së për autoritarizëm dhe tendenca pro-ruse të qeverisë gjeorgjiane. Partia “Ëndrra Gjeorgjiane” insiston se nuk është pro-ruse, dhe thotë se është e përkushtuar ndaj demokracisë dhe integrimit në Perëndim.