Pas rreth 24 orësh në nivel të paparë që prej vitit 2022, çmimi global i naftës ra sërish nën 100 dollarë për fuçi të hënën. Menjëherë pas deklaratës së ministrave të Financave të G7-ës se janë gati të përdorin rezervat emergjente të naftës, çmimet shënuan një rënie të lehtë. Nafta e papërpunuar amerikane u tregtua të hënën me rreth 96.50 dollarë për fuçi, ndërsa nafta e papërpunuar Brent (pika referuese ndërkombëtare) është në nivelin e 98.76 dollarë për fuçi, raporton “The Guardian”. Edhe shitja e naftës në tregjet evropiane të aksioneve po lehtësohet. Me rënien e çmimit të naftës nën 100 dollarë për fuçi, frika se Banka e Anglisë mund të rrisë normat e interesit po zbutet, ndërsa u qetësua edhe tregu i obligacioneve. Me rënien e çmimit, vendet evropiane, Mbretëria e Bashkuar, Gjermania dhe Franca, arritën të rikuperonin humbjet e regjistruara gjatë ditës.