Presidenti turk Rexhep Tajip Erdogan priti Princin e Kurorës së Arabisë Saudite në pallatin presidencial në Ankara, duke nisur një riafrim mes vendeve. Mohammed bin Salman, i cili konsiderohet si sunduesi ‘de facto’ i mbretërisë, kryen takimin e dytë këtë vit me presidentin Erdogan. Xhvillimi vjen pas një pauze diplomatike mes vendeve, prej eliminimit makabër të vitit 2018 të gazetarit disident saudit Jamal Khashoggi, brenda konsullatës saudite në Stamboll. Ankaraja pret një “normalizim të plotë dhe rivendosje të lidhjeve të kohës së para-krizës”, tha një përfaqësues turk për rrjetin Reuters me kusht anonimatin. Jamal Khashoggi u egzekutua nga një skuadër vrasësish brenda konsullatës në Stamboll, dhe Ankaraja ishte zemëruar që u përfshi në krimin e rëndë. Autoret e vrasjes brutale dolën në gjyq në vendin e tyre por refuzonin pretendimet se vetë Princi Mohammed kishte urdhëruar vrasjen. Kështu që Riadi pretendonte se agjentët e saj të sigurisë “kishin vepruar me kokën e tyre” në Stamboll. Por prej prillit Ankaraja e Riadi kanë ulur tonet e kritikave të tyre dhe Turqia ka thënë se po ndalon gjyqin në mungesë të 26 sauditëve të dyshuar.