Njëzet minuta tronditëse dhe totalisht jashtë rregullave të diplomacisë mes dy krerëve të shteteve. Kështu u cilësua debati mes Trump dhe Zelenskyt në zyrën Ovale një javë më parë, që solli edhe dështimin e marrëveshjes për mineralet. I dërguari i Shteteve të Bashkuara të Amerikës në Ukrainë, Keith Kellogg ishte i ftuar në aktivitetin e Këshillit për Marrëdhëniet me Jashtë në Washington të enjten dhe zbuloi detaje të rëndësishme gjatë një interviste të dhënë për CNN. “Ukrainasit gabuan. Po ju them një prapaskenë: ne folëm me presidentin Zelensky para takimit ku ishin të pranishëm ishin 13 senatorë amerikanë… I shpjeguam me detaje se cili ishte plani dhe ato që ai do të thoshte në Zyrën Ovale gjatë takimit. Pra i thamë se tashmë e kemi një marrëveshje për metalet e çmuara, ju do të nënshkruani marrëveshjen, do të hani drekë, do të dilni së bashku një konferencë shtypi. Pas kësaj do të largoheni”