Sekretari i Përgjithshëm i OKB-së, António Guterres u ka kërkuar Izraelit dhe Iranit, që të lënë mënjanë hakmarrjet dhe të ndalojnë sulmet. “Sekretari i Përgjithshëm përsërit se është koha për të ndaluar ciklin e rrezikshëm të hakmarrjes në Lindjen e Mesme”, thuhet në deklaratë. “Dënojmë çdo akt hakmarrjeje dhe i bën thirrje komunitetit ndërkombëtar që të punojë së bashku për të parandaluar çdo zhvillim të mëtejshëm që mund të çojë në pasoja shkatërruese për të gjithë rajonin dhe më gjerë”, theksohet më tej. Ndwrkohw, mw herwt, Sekretari Amerikan i Shtetit, Antony Blinken deklaroi për BBC se Shtetet e Bashkuara të Amerikës nuk kanë qenë të përfshira në sulmin që Izraeli kreu ndaj Iranit gjatë mbrëmjes së djeshme. Teksa tentoi që të shmangte komentin për ngjarjet në Lindjen e Mesme, Blinken u detyrua të përgjigjet duke theksuar se SHBA nuk ka bërë thirrje për sulm ndaj Iranit. Në përgjigjie të pyetjes sesi e karakterizonte gjendjen aktuale të marrëdhënieve SHBA-Izrael, Blinken u shpreh “jemi të angazhuar rregullisht, pothuajse çdo ditë”. SHBA i ka kërkuar Izraelit të mos përgjigjet ndaj sulmit iranian të fundjavës së kaluar, të cilin presidenti Joe Biden të enjten e quajti “të paprecedentë”. SHBA “nuk ndezi dritën jeshile” një përgjigje izraelite, tha zyrtari i dytë.