Nëna e Alexei Navalnyt, I cili vdiq në një burg rus në Artik, tha se mundi të shoh trupin e djalit të saj. Ajo njoftoi se autoritetet e lejuan që të futej në morgun ku mbahet trupi I pajetë dhe se I bën presion që të binte dakord që ceremonia e varrimit të ishte e fshehtë. “Ata po më shantazhojnë, po vendosin kushte se ku, kur dhe si të varroset djali im”, tha ajo ndërsa njoftoi dhe ngritjen e një padie në gjykatën e qytetit Salekhard lidhur me refuzimin e zyrtarëve për t’i dhënë asaj trupin e djalit të saj. Vdekja e Navalnyt ka rritur akoma më shumë tensionet mes Shtëpisë së Bardhë dhe Kremlinit. Departamenti amerikan I drejtësisë njoftoi këtë të entje pesë raste të oligarëkëve rus, të cilët janë sanksionuar për shkak se mbështesin Rusinë. Njëri prej tyre është Andrei Kostin presidenti i Bankës VTB, që është institucioni i dytë financiar më I madh në Rusi. Veprimet përkojnë me dyvjetorin e nisjes së pushtimit rus kudnër Ukrainës. Ndërkohë të tjera masa pritet të njoftohen në ditët në vijim. Paketës së sanksioneve I është bashkuar edhe Britania, duke shtuar dhe 50 individë dhe kompani të tjera në listë. “Pas dy vjetësh, ne vazhdojmë të jemi të bashkuar në mbështetje për Ukrainën. Presioni ndërkombëtar ekonomik nënkupton që Rusia nuk mund ta financojë më këtë pushtim të paligjshëm. Sanksionet tona po shterojnë burimet e presidentit rus, Vladimir Putin, për financimin e kësaj lufte”, tha sekretari i Jashtëm britanik, David Cameron. Pamjet: AFP