Plani i menaxhimit të parkut kombëtar të Vjosës ka hyrë tashmë në fazën e fundit të konsultimeve publike me banorë dhe grupe interesi të 13 bashkive të luginës që laget nga Vjosa dhe degët e saj tashmë të mbrojtura. Ekspertët janë duke ndarë me publikun mundësitë dhe kufizimet që dikton statusi më i lartë i mbrotjes. Parku kombëtar i Vjosës përfshin një sipërfaqe prej 12727 ha ku gjysma e ekosistemit është hapësirë ujore dhe pjesa tjetër tarracat breglumore. 1/3 e territorit shqiptar preket nga ky ekosistem i rëndësishëm. Deri tani sipas drejtores së Administratës së Zonave të Mbrojtura parku është menaxhuar nga tre administrata që e bën disi të vështirë dhe pa kokë në aspektin administrativ por plani sipas saj saktëson forma të qarta menaxhimi për vijimësinë duke konsideruar riinvestimin e të ardhurave në territor dhe ka përcaktuar tashmë edhe vizionin që do të ndiqet.