Prokurori i posaçëm, Klodian Braho, i kërkoi gjykatës antikorrupsion të shpallë fajtor Aurel Zarkën, i cili deri në 29 korrik 2024 mbante detyrën e drejtuesit të prokurorisë së Vlorës. SPAK kërkoi dënimin me 4 vite e gjashtë muaj burim t ish prokurorit të njohur, që në aplikim të gjykimit të shkurtuar zbret në tre vjet burgim. Akuzat që rëndojnë ndaj Zarkës janë ushtrimi i ndikimit të paligjshëm dhe korrupsioni mbasi sic deklaroi prokurori që e hetoi, ai komunikon përmes aplikacionit Sky Ecc me ish-oficeren Erjona Daupaj për të ndërhyrë në fatin e dosjes Toyota Auris, si dhe në dy çështje të tjera në qytetin bregdetar. Aurel Zarka nuk ishte i pranishëm, por përfaqësohej nga avokati i tij. Në seancën pasardhëse, ai do të bëjë kundërshtimet e tij dhe do të kryejë mbrojtjen. Zarka është gjykuar veçmas të akuzuarve të tjerë, prej të cilëve deri më tani është vetëdorëzuar vetëm avokati Radovan Çela, kurse dy të tjerë janë në kërkim. Në dosje, përmenden edhe ish-zyrtarë të tjerë të drejtësisë dhe emra aktualë të drejtësisë që janë verifikuar nga SPAK. Sikurse edhe personazhe të botës së krimit midis tyre edhe Suel Cela dhe jo vetëm. SPAK ka njoftuar se ka veçuar hetimet për personazhe të tjerë.