Kryepeshkopi i Lionit në Francë shprehte sot "turpin" e tij teksa i kërkonte “falje” dhjetra mijëra viktimave, për përdhunimet e abuzimet seksuale të priftërinjve dhe pedofilëve të tjerë të administratën e kishës. Një raport prej 2,500 faqesh i hartuar nga grupet e viktimave thoshte se abuzimet janë mbuluar e fshehur sistematikisht nga Kisha për dekada me radhë. Kreu i komisionit hartues Marc Sauve, tha për mediat franceze se rreth 3,000 abuzues fëmijësh — dy të tretat e të cilëve ishin priftërinj — kanë punuar në kishën franceze gjatë dekadave. Rreth 80% e viktimave ishin meshkuj, shtoi ai. Zoti Sauve denonconte mendësinë e Kishës që prej fillimit të viteve 2000, duke thënë se Kleri ka treguar “një indiferencë të thellë e mizore ndaj viktimave”. Viktimat tregonin se si nuk besoheshin ose nuk dëgjoheshin nga autoritetet e Kishës, dhe nganjëherë akuzoheshin se ishin “pjesërisht përgjegjës për atë që kishte ndodhur”.