Disa qytete në Kosovë janë duke u përballur me përmbytje masive si pasojë e reshjeve të dendura të shiut. Qyteti më i prekur është Skenderaj, ku autoritetet lokale kanë shpallur gjendje emergjente. lumi Klina dhe disa degë të tij, kanë dalë nga shtrati duke shkaktuar përmbytje në rreth dhjetë fshatra të kësaj komune. ekipe të shumta dhe grupe qytetarësh kanë ndihmuar për t'i evakuuar ata të cilët janë të rrezikuar nga vërshimet por edhe ekipe të FSK-së i janë përgjigjur thirrjes për ndihmë Përmbytje janë raportuar edhe në qytetin e Vushtrrisë, ku shumë shtëpi raportohet se janë përmbytur nga uji. Po ashtu përmbytje ka pasur edhe në Pejë. Reshjet e dendura të shiut kanë shkaktuar vërshime edhe në pjesën veriore të Kosovës. Problemet më të mëdha janë në fshatrat e komunës së Zveçanit përfshirë Grabovcin, Zherovnicën dhe rrugës për në fshatin Korilje. Rruga nga Zveçani për në Zhitkovc, Zherovnicë dhe Zubin Potok është vështirë e kalueshme me makina. Dalja e lumit Ibër nga shtrati ka vërshuar edhe Lagjen e Boshnjakëve në Mitrovicën Veriore. Në Mitrovicën e Veriut, drejt urës kryesore, lumi Ibër ka arritur lartësinë e shëtitores, kështu që karriget që shërbejnë si vend pushimi janë zhytur përvec kësaj në rrugë ka pasue edhe rrëshqite dhei. Disa fshatrat të komunës së Zveçanit kanë mbetur pa energji elektrike në mëngjes, si pasojë e rrëzimit të një shtylle .