Lëkundjet e tërmetit të së dielës në mbrëmje, sollën në kujtesë përjetimet e nëntorit të 2019. Frika e një lëkundje më të madhe bëri që disa qytetarë të dilnin atë natë nga banesat dhe të qëndronin jashtë. “Kishte frikë, panik, megjithatë mendoj se sot e kemi pothuajse të shuar këtë gjë, uroj mos të kemi më, por si episode mendoj se e kemi të shuar”, shprehet Gejsi Ndoja. Ai është një moment që sjell pasiguri dhe sjell më pas shfaqje të ankthit si tek të rriturit ashtu dhe fëmijët.