Në përfundimin e samitit dy ditor të BE-së në Bruksel, krerët e bllokut përsëriten thirrjet për shtensionim të menjëhershëm të situatës në veri të Kosovës, ndërsa paralajmëruan pasoja në rast të dështimit. Këshilli Europian theksoi se zgjidhja e problemeve duhet bërë në bazë të rekomandimeve të 3 qershorit të Bashkimit Europian, që përfshijnë pezullimin e operacioneve policore, që kryetarët e komunave t'i kryejnë përkohësisht detyrat e tyre në objekte të tjera, shpalljen e zgjedhjeve të parakohshme dhe pjesëmarrjen e serbët e Kosovës në to.Këshilli thekson se palët duhet të vazhdojnë dialogun e ndërmjetësuar nga BE-ja, zbatimin e shpejtë të marrëveshjes së normalizimit dhe zbatimit të saj. Kjo përfshin edhe "themelimin e Asociacionit, apo Bashkësisë, të komunave me shumicë serbe”, thuhet në tekstin përfundimtar.Diplomacia perëndimore është vënë në përpjekje për të gjetur rrugëdalje nga kriza në veri të Kosovës.Kryeministri i Kosovës Albin Kurti paraqiti më herët një plan tetë pikësh për shtensionimin e situatës në veri, duke e kushtëzuar tërheqjen e forcave policore me reduktimin e dhunës, ndërsa për zgjedhjet e parakoshme, ai ka kërkuar organizimin e një peticioni që duhet të mbështetet nga 20 për qind e votuesve. Në planin e tij kryeministri Kurti nuk e përmendte çështjen e Asociacionit.Bashkimi Europian ka paralajmëruar se gjatë javës do të shpallë masa ndëshkuese për Kosovën për shkak se nuk ka hedhur hapa për uljen e tensioneve.