Të gjithë përdoruesit e pajisjeve të kompanisë Apple u rekomandohet që të instalojnë përditësimet e fundit në sistemet e tyre operative, pasi një pikë e dobët thelbësore është zbuluar në ato të vjetra. Sipas autoriteteve të sigurisë kibernetike është zbuluar se versionet e mëparshme të sistemeve operative në pajisjet e Apple i japin mundësi hakerave, që të depërtojnë në mekanizmat e mbrojtjes dhe të marrin të gjitha të dhënat në telefonin tuaj dhe të kenë akses në aplikacionet që përdorni. Për herë të parë mbi këtë problem Apple raportoi në 19 gusht dhe u bëri thirrje përdoruesve të përditësonin sistemin e tyre, por së fundmi ka dalë edhe një tjetër përditësim. Për paisjet Iphone dhe Ipad duhet që sistemi të jetë në versionin ios 15.7, ndërsa është mundësia edhe për të instaluar sistemin e ri të shpallur së fundim, Ios 16. Edhe për laptopët Macbook gjithashtu duhet të instalohen sistemet macOS Monterey 12.6 dhe macOS Huge Sur 11.7. Për të bërë këtë duhet të shtypni mbi butonin e menusë së Opsioneve dhe të selektoni butonin General dhe më pas të shkoni te opsioni i Përditësimit të Softuerit. Kjo duhet bërë edhe nëse në pajisjet tuaja mund të keni lënë opsionin e përditësimeve automatike. Apple i ka lancuar përditësimet e reja që nga e Hëna dhe mund të aplikohen nga të gjithë përdoruesit. Kompania ende nuk ka folur me detaje mbi çështjen dhe as nuk ka komentuar se sa e madhe ishte shkalla e ndërhyrjes nga hakerat. Pamjet: AFP