Uragani “Milton” goditi shtetin e Floridës në SHBA, duke shkaktuar shumë viktima dhe dëme të rënda në disa qytete. Një imazh satelitor rrëqethës i uraganit tregonte stuhinë duke marrë formën e një kafke përpara se të zbriste në Florida të mërkurën e 9 tetorit. Stu Ostro, meteorolog i lartë në Weather Channel, ndau foton e frikshme në X, duke e shfaqur atë pranë një imazhi të ngjashëm të uraganit Matthew në 2016. Ekspertët e kanë përshkruar uraganin “Milton” si një stuhi “përbindësh”, që e bën këtë imazh satelitor edhe më të përshtatshëm. Të paktën 11 persona kanë vdekur si pasojë e erërave që ka shtyrë përpara uragani Milton në Floridë, kanë thënë zyrtarët, ndonëse stuhia nuk ka qenë në përmasat katastrofike, siç ishte parashikuar. Uragani është shtrirë në Floridë të mërkurën pasdite, dhe ka lënë rrugë të bllokuara, si pasojë e rrëzimit të drunjve dhe kabllove elektrike. Rreth 3 milionë shtëpi dhe biznese janë pa energji elektrike. Autoritetet kanë thënë se erërat, dhe jo sasia e madhe e ujit, i kanë shkaktuar vdekjet e 11 njerëzve.