Rreth 1600 punonjës të Operatorit të Shpërndarjes së Energjisë Elektrike do të jenë në terren natën e ndërrimit të viteve për të garantuar furnizimin me energji në të gjithë vendin. OSHEE ka marrë masa për të përballuar ngarkesën në rrjet, që mund të krijohet për shkak të festës, por edhe nga temperaturat e ulëta. Shumica e grupeve të OSHEE do të monitorojnë ngarkesat dhe avaritë në linjat e tensionit të mesëm dhe të ulët, ndërsa një pjesë do vendosen te linjat e tensionit të lartë.