Një gjykatë ruse ka dënuar balerinën ruso-amerikane me 12 vjet burg për tradhti, pasi ajo bëri një donacion prej pak më shumë se 50 dollarësh për një bazë në SHBA që mbështet Ukrainën. Ksenia Karelina u deklarua fajtore për tradhti. 33 vjeçarja u arrestua në Rusi në fillim të këtij viti, teksa po vizitonte gjyshërit e saj. Vendimi u shpall pas një gjyqi me dyer të mbyllura në gjykatën rajonale të Sverdlovsk. Hetuesit thanë se Karelina kishte dërguar para për të blerë pajisje dhe municione për ushtrinë ukrainase, raportoi RIA Novosti. Avokati i Karelinës, u tha mediave ruse se do të apelonte vendimin e shpallur pwr klienten e saj. Dënimi i saj vjen dy javë pasi Rusia dhe Perëndimi kryen shkëmbimin më të madh të të burgosurve që nga Lufta e Ftohtë, ku 24 persona, u liruan si pjesë e një marrëveshjeje gjithëpërfshirëse që përfshin të paktën shtatë shtete. SVERDLOVSK REGIONAL COURT/AFP