Teksa qëndronin me njëri-tjetrin, Egli i rrëfeu Gjestit për prindërit e saj dhe mendimin që ata kanë për banorin. “Prindërit e mi nuk të urrejnë ty. Janë njerëz shumë të butë dhe nuk janë njerëz që thonë ‘mos guxo se ne të mbyllim derën’. Ata thonë që të shkosh ti të lejosh dikë, unë nuk e lejoj kurrë më ka thënë babai im”. Banorja zbuloi se prindërit kanë kundërshtuar vendimin e saj për të hyrë në shtëpinë e “Big Brother VIP”. “Kanë tentuar shumë që unë të mos vija këtu, natë e ditë. Mua nuk më linte gjëja ime se si hyra e dola e shkatërruar. Ata u lutën natë ditë që unë të ikja prej kohësh nga këtu, nuk flinin gjumë natën. Meraku i tyre kam qenë unë”. Egli ka pohuar se është dashuruar me Gjestin, që prej momentit kur këngëtari u bë pjesë e “Big Brother VIP 4”. Por, raporti mes tyre është shoqëruar me përplasje të forta, teksa Gjesti është shprehur se ka të njëjtat ndjenja për banoren. Ndërsa pas rikthimit në shtëpi, Egli është shfaqur më e tërhequr, ndërsa thekson se tashmë këtë eksperiencë ia dedikon vetes dhe luan e vetme.