Protestat massive që vazhdojnë prej javësh të tëra, nuk e kanë zbrapsur nga qëndrimi I tij presidentin francez Emmanuel Macron, I cili nënvizoi se nuk ka ndërmend të heqë dorë nga planet për reformën e pensioneve. Reformat, shtoi Macron, nuk kanë alternative sepse publiku as nuk dëshiron të paguajë kontribute më të larta dhe as nuk pranon ulje të pensioneve. Planet për rritjen e daljes në pension nga mosha 62 në 64 vjec përbëjnë praktikisht reformën më të madhe të mandatit të tij tëdytë presidencial. Sondazhet e opinionit tregojnë se shumica e francezëve janë kundër një plani të tillë, I cili ka bërë që prej javësh tashmë, një numër I madh njerëzish të dalin nëpër rrugë për të shprehur pakënaqësinë tyre. Franca llogaritet të ketëmoshën më të ulët të kualifikimit për pension shtetëror nga të gjitha ekonomitë e mëdha europiane. Pas zbritjes së taksave, pensioni mesatar atje është1.400 euro në muaj.