Njëzëri ministrja e Punëve së Jashtme, Olta Xhaçka dhe ambasadorja amerikane yuri Kim përgënjeshtruan zërat nga Rusia se janë dërguar mercenarë shqiptarë në Ukrainë. Sipas ministres, kjo është një gënjeshtër e krijuar nga Moska, duke theksuar se Shqipëria qëndron krah Ukrainës dhe do të vazhdojë të punojë me të gjithë aleatët dhe partnerët për të ndihmuar në përfundimin e agresionit rus. “Fushata ruse e informacioneve të rreme vazhdon papushim. Këto janë gënjeshtra të krijuara për të ngjallur dyshime dhe për të tërhequr vëmendjen nga e vërteta, e cila është se Rusia ka pushtuar Ukrainën”, tha ambsadorja Yuri Kim. Presidenti Vladimir Putin pretendon se “mercenarë” nga Shqipëria, Kosova dhe Bosnja po dërgohen për të luftuar përkrah forcave ukrainase. “Ne kemi vërejtur gjithnjë e më shpesh paraqitjen e mercenarëve nga vendet e treta, duke përfshirë ata nga Shqipëria dhe Kroacia, luftëtarë kosovarë, madje edhe xhihadistë me përvojë në luftimet në Siri”, i tha presidenti Putin kancelarit gjerman, Olaf Schoz, me të cilin zhvilloi një bisedë telefonike që ka zgjatur një orë. Tensioni në Ukrainë është rritur, ndërsa dy raundet e bisedimeve mes dy shteteve deri tani nuk kanë prodhuar rezultat konkret,por në fundjavë pritet të mbahet raundi i tretë i bisedimeve.