Pas gati një dekade në burg per vjedhje, ngjitja e themeluesit të grupit Wagner, pronar restoranatesh e supermarketesh drejt majave të pushtetit ishte befasuese, duke ngritur megjithatë njëkohësisht edhe shumë pikëpyetje se ku ndalonte tavani i ambicjes së tij. Verën e 2014-tes, në kulmin e konfrontimit rus në rajoet lindore të Ukrainës, një grup zyrtarësh të lartë rus, kujtonte The Guardian, u mblodhën në zyrat e ministrisë së mbrojtjes për t`u takuar me këtë mesoburrë me kokë të rruar, që njihej më së shumti nje personi përgjegjës për kontratat e kateringut të ushtrisë. Tani, Prigozhin kishte një kërkesë tjetër. Ai donte një terren për të stërvitur një grup vullnetarësh, sic i quante, të cilët nuk do të kishin lidhje me ushtrinë e rregullt, por sërish do të luftonin për Rusinë. Shumë njerëzve në ministry, metodat e Prigozhinit nuk i pëlqenin aspak, por ai ua bëri të qartë që fillim se urdhrat vinin nga “babushi”, nofka që përdorte për të treguar afërsinë e tij të madhe me Vladimir Putinin.