Mbetet ende mister shkaku i tragjedisë ajrore të 9 gushtit në brazil, ku si pasojë e rrëzimit të një avioni humbën jetën 62 persona. Hetuesit nuk arritën në asnjë konkluzion pas analizimit të kutive të zeza të avionit. Në audioregjistrimin dy orësh të bisedave në bord, rezultoi se piloti dhe ndihmëspiloti konstatuan një problem vetëm 1 minutë para rënies së avionit. Ndihmëspiloti dëgjohet teksa thotë se mjeti ka nevojë për më shumë fuqi dhe pas kësaj dëgjohen ulërimat e pasgjereve. Hetuesit thanë se nuk kanë identifikuar prani zjarri në bord përpara tragjedisë, probleme me elektricitetin apo defekt të motorit. Megjithatë, raporti i parë me rezultatet e hetimeve për ngjarjen pritet të dalë brenda 30 ditëve. Avioni ATR 72-500 ishte prodhim I vitit 2010 dhe ishte vlerësuar në gjendje të mirë pune, pasi i kishte kaluar rregullisht kontrollet teknike. Avioni me 62 persona në bord u rrëzua në san paolo vetëm 5 minuta para se të mbërrinte në aeroport. Kompania francezo-italiane që prodhon avionët ATR bëri të ditur se specialistët e saj janë të angazhuar plotësisht për të mbështetur hetimet.