Në kryeqytetin e Suedisë, Stokholm kanë lindur pemët e para të qershisë. Këto pemë karakteristike janë të shumëpritura në kryeqytetin skandinav pasi për qytetarët simbolizon ardhjen e stinës së pranverës, një pranverë e shumëpritur pas pothuajse dy vitesh pandemi. Pemët e qershisë janë gjithashtu një atraksion turistik, të vendosura nëpër sheshet kryesore të kryeqytetit, por në sheshin qëndror ato kanë edhe pamjen më të bukur. Të lumtur për afrimin e pranverës, qytetarët dolën në masë në sheshe, duke kryer aktivitete argëtuese dhe duke u relaksuar nën hijen e pemëve, që i japin kryeqytetit një ngjyrë karakteristike, ndërsa shumë prej tyre bënin edhe foto me gjethet e pemëve nëpër duar. Suedezët në këtë periudhë karakteristike të vitit përveç se shëtitjeve të shumta preferojnë edhe konsumin e ëmbëlsirave tradicionale, ndërsa kanë edhe një ditë tradicionale për pemët e qershisë, që festohet në 28 prill, ndërsa presin me padurim ardhjen e verës.