Unioni i Gazetarëve Shqiptarë ndau cmimet vjetore për gazetarët. Në edicionin e 17 të zhvilluar në Ambasadën Gjermane, juria me në krye Aleksandër Cipën vlerësuan me cmimin “Karriera për vitin 2025”, gazetarin Artur Zhejin. Pas vdekjes Zheji u nderua me motivacionin: “Gazetari që në aktivitetin shumëvjeçar solli një nivel të cilësishëm raportimi si në mediat kombëtare edhe në ato rajonale”. Të prekur nga ky cmim u shfaqën bashkëshortja e tij si dhe kreu i Parlamentit. “Është një mirënjohje jo vetëm për rolin e rëndësishëm që pati në historinë e gazetarisë shqiptare, por është një vlerësim për përkushtimin, fjalën e lirë, mendimin kritik që pati deri në fund!” “Këtë cmim të rëndësishëm jo vetëm për një gazetar, por për një intelektual shqiptar të kulluar. U nda para kohe dhe patjetër krijoi një boshllëk në mendimin intelektual shqiptar, në gazetari, në formësimin e opinionit publik. Bordi i çmimeve të Unionit shpërndau vlerësime për dhjetëra artikuj në media, ku gazetari i Inside Story dhe Top Story Eraldo Harlicaj u shpall “reporteri i vitit” për raportimin këmbngulës me ndikim në cështjen e Martin Canit.