Një ish-sekretare që ka punuar për komandantin e një kampi përqendrimi nazist u dwnua për bashkëpunim në vrasjen e më shumë se 10,500 personave. 97-vjeçarja Irmgard Furchner, nisi punwn si Daktilografiste kur ishte adoleshente në kampin e Stutthof dhe punoi atje nga viti 1943 deri në 1945, sipas BBC.Furchner është gruaja e parë që gjykohet për krimet naziste në dekada. Edhe pse ajo ishte një punonjëse civile, gjykatësi pranoi se ajo ishte plotësisht në dijeni të asaj që po ndodhte në kamp.Rreth 65,000 njerëz mendohet se kanë vdekur në kushte të tmerrshme në Stutthof, duke përfshirë të burgosur hebrenj, polakë dhe ushtarë të kapur sovjetikë. Në Stutthof, që ndodhet pranë qytetit modern polak të Gdanskut, u përdorën një sërë metodash për të vrarë të burgosurit dhe mijëra vdiqën në dhomat e gazit që nga qershori i vitit 1944.Gjykata në Itzehoe në Gjermaninë veriore dëgjoi shumw nga të mbijetuarit e kampit, disa prej të cilëve kanë ndërruar gjatë gjyqit. Kur filloi gjyqi në shtator të vitit 2021, Irmgard Furchner u arratis nga shtëpia e saj e të moshuarve dhe u gjet nga policia në një rrugë në Hamburg. Kryetari i trupit gjykues Dominik Gross tha se ishte “përtej imagjinatës” që Furchner nuk mund të kishte vënë re tymin dhe erën e keqe të vrasjeve masive. Gjyqi i Furchner mund të jetë i fundit që do të zhvillohet në Gjermani për krimet e epokës naziste, megjithëse disa raste janë ende duke u hetuar. Pamjet: AFP