Moti i keq ka bërë ‘kërdinë’ në Britaninë e Madhe, duke shtuar paralajmërimet për përmbytje të tjera pasditen e kësaj të hëne. Si pasojë e reshjeve të dendura të shiut gjatë fundjavës janë përmbytur disa akse rrugore, si dhe janë mbyllur edhe 13 shkolla. Banorët e zonave të prekura nga përmbytet u është bërë thirrje që të marrin masa për mbrojtjen e banesave të tyre. Pavarësisht paralajmërimeve, deri më tani nuk raportohet për të lënduar apo për viktima në Britaninë e Madhe. Ndërkohë që javën e kaluar Evropën Qendrore dhe Lindore është goditur nga stuhia Boris, e cila vrau dhjetëra persona. Republika Çeke, një nga vendet më të prekura nga përmbytjet, shënoi katër viktima. Që nga java e kaluar, erërat e forta dhe shirat e dendur kanë goditi shtetet si Austria, Polonia dhe Rumania. Në Çeki, ka persona qe rezultojnë të zhdukur pas përmbytjeve.