Shqipëria tashmë është një nga pikat më të rëndësishme turistike, me larmishmëri aktivitetesh dhe vendesh që ofrojnë mundësi për pushime të paharrueshme. Albmania, kështu e quan ndryshe britanikja “The Face”, vendin që po “rrëmben” turistë nga e gjithë bota, kjo falë mënyrës se si menaxhohet sezoni i nxehtë veror. Riviera shqiptare e cila tashmë po bën xhiron e botës, nën tingujt e muzikës dhe festivaleve, i ofron vizitorëve atë që ata kërkojnë për relaksim. Nga viti 2010 deri në vitin 2019, numri i turistëve që vijnë në Shqipëri çdo vit u trefishua në një kulm prej 3.3 milionë personash, me 120,000 prej këtyre vizitorëve ndërkombëtarë të ardhur nga Britania e Madhe, ndërsa parashikimet mbeten pozitive për të ardhmen. Dikur vendi më i izoluar në të gjithë Evropën Lindore, Shqipëria hap dyert për miliona turistë çdo vit, kjo falë mënyrës se si është arritur reklamimi i vendeve. Sipas “The Face” numri i pasagjerëve është rritur 27 për qind për gjysmën e parë të vitit në 2023, krahasuar me të njëjtën periudhë në 2022. Për shumë persona, tërheqja kryesore janë koncertet, prej të cilat interesohen më së shumti, njëkohësisht distanca e tyre nga vendi ku qëndrojnë është vetëm një hap larg. Kryesisht jugu i Shqipërisë i ofron atyre mundësinë për të bërë postimet më të bukura në rrjete sociale, kjo falë ngjyrës magjepsëse të ujit të kristaltë. Turistët shkrehen se Shqipëria ofron peizazhe mahnitëse mesdhetare, ujëra të mrekullueshëm, plazhe të paprekura, ushqim të shkëlqyeshëm dhe çmime shumë të përballueshme. Nuk mungon as ndikimi i këngëtareve shqiptare si Dua Lipa, Rita Ora dhe Bebe Rexha, që i kanë dhënë një shtysë vendit me koncertet e tyre madhështore. Këtu nuk mungojnë as këngëtarët nga e gjithë bota, që në turret e tyre bëjnë ndalesën edhe në trojet shqiptare. Pavarësisht gamës së gjerë të informacioneve për shqiptarët, përfshirë emigrimin masiv dhe kultivimin e lëndëve narkotike, turistët kanë preferuar të vijnë në Shqipëri për të kuptuar realitetin dhe paragjykimet. Bujaria e shqiptarëve ka ndryshuar shumë mendimin e turistëve sipas “The Face”, të cilët largohen të kënaqur. Nëse të ardhurat e reja nga turizmi rrjedhin në ekonominë lokale, kjo mund të çojë në një rezultat pozitiv për të gjithë. Sido që të jetë, është shumë e qartë se Albmania do të vazhdojë të përhapet në të gjithë Mbretërinë e Bashkuar, pasi infrastruktura shtesë dhe një valë e re ngjarjesh ëmbëlsojnë marrëveshjen tashmë joshëse. Së shpejti, do të arrijë në kapitullin tjetër të librit të frazave, jo më i referuar si Kroacia e Re, Maldivet e Evropës, Karaibet e Evropës, Greqia e ardhshme, por thjesht Shqipëria.