Mijëra emigrantë nga Amerika Latine, shumica e të cilëve haitianë, shihen duke jetuar nën urën Del Rio në Texas, në pritje të procedurave kufitare të SHBA. Autoritetet thanë se rreth 10,000 emigrantë pa dokumente jetojnë e flenë jashtë, në një sfidë të re për politikat e emigracionit të presidentit Joe Biden. Bruno Lozano, kryebashkiaku i qytezës meksikanë në kufirin me SHBA, tha se emigrantët mbikqyren nga oficerët amerikanë të kufirit. Shumica e emigrantëve nga Haiti shpresojnë të qëndrojnë në Shtetet e Bashkuara, pas tërmetit shkatërrimtar dhe trazirave politike në vend. Lozano tha se numri i emigrantëve nën urë ka arritur sot në 10,503 nga rreth 8,000 që ishin një ditë më parë. Kufiri jugor i SHBA është i mbingarkuar me refugjatë që hyjnë nga Meksika, si dhe nga mijëra refugjatë që vijnë nga Afganistani, shkruan rrjeti francez AFP. Kryebashkiaku shtoi se përveç atyre nën urë rreth 2,000-3,000 mbahen në qendrat kufitare të procedurave nw SHBA.