“E rritem mesataren fillimisht në 7, pastaj 7.5 e synojmë ta cojmë në 8 vitin që vjen. Është e papranueshme që për mjek të shkojnë më të mirët, ndërsa për mësues nxënësit më të dobët! Nuk do të ndodh më” Me ndryshimin e ministrave që ulen në krye të sektorit edukativ, ka ndryshuar edhe strategjia e pranimit të maturantëve në institucionet e arsimit të lartë. Maturantët brenda një 5 vjecari janë përballur me luhatje vendimesh nga ministria e arsimit për të ardhmen e tyre në zgjedhjen e profesionit. Rreziku i mbylljes së degëve që të cojnë drejt mësuesisë si gjuhët e huaja, gjuhë-letërsi, matematikë-fizikë vitin e ardhshem akademik do të sjell uljen e mesatares në 6.5 në ciklin bachelor , ndërsa në master do të vijojë të jetë i njëjtë 7.5, as do të ulet as do të rritet sic u premtuar në vitin 2019.