Një burrë falsifikoi vdekjen e tij dhe më pas u shfaq në funeral me një helikopter për t’i dhënë familjes së tij ‘një mësim jete’. David Baerten organizoi një shaka të jashtëzakonshme në Belgjikë për të parë se si do të reagonin të dashurit e tij pasi të vdiste. 45-vjeçari e bëri këtë marifet pasi kishte humbur kontaktet me familjarët dhe fisin e tij. Ai i kërkoi ndihmë gruas dhe fëmijëve të tij që ndiqnin planin e tij, madje vajza e tij postoi një shkrim prekës për babain e saj në mediat sociale. Baerten, i cili njihet si Ragnar le Fou në rrjetet sociale dhe ka 162.000 ndjekës në Tik-Tok, mbërriti në funeral me një helikopter së bashku me një ekip xhirimi. Ai tha se e bëri këtë pasi: Ajo që shihte në familjen e tij shpesh e lëndonte. Unë kurrë nuk jam i ftuar askund. Askush nuk më sheh. Të gjithë u ndamë. U ndjeva i pavlerësuar. Kjo është arsyeja pse unë doja t’u jepja atyre një mësim jete dhe t’u tregoja se nuk duhet të prisni derisa dikush të vdesë për t’u takuar me ta. Një tjetër përdorues i TikTok, i cili ishte i pranishëm, ndau një video të helikopterit që u ul në një fushë. Baerten doli jashtë dhe të gjithë të afërmit e përqafojnë Kjo shaka është pritur me kritika të ashpra nga shumë përdorues të mediave s ociale, të cilët e etiketuan atë një “shaka mizore” dhe thanë se ishin “të dhimbshme”. Ai tha se vetëm gjysma e familjes së tij i shkoi në funeral. Ai shtoi se Ata që nuk erdhën, më kontaktuan për t’u takuar. Kështu që në një farë mënyre unë fitova. Pamjet: AFP