Top Channel/ Mbrojtja e të miturve nga përmbajtjet abuzive, Instagram shton kontrollin e prindërve
17/09/2024 18:53

Instagram njoftoi sot ndryshim të funksioneve për llogaritë e adoleshentëve e te miturve, duke premtuar më shumë “mbrojtje të brendshme” për të rinjtë dhe shtim të kontrollit për prindërit. Opsioni i ri “Teen Accounts” (Llogari të adoleshentëve) nis nga nesër në vendet e mëdha perëndimore pas rritjes së presionit për të bërë platformën më të mbrojtur nga përmbajtjet e dëmshme, të dhunshme apo seksuale, për të rinjtë e fëmijët. Rregullatorët britanikë e quajtën lëvizjen “një hap në drejtimin e duhur” edhe pse kompania që zotëron Instagram, Meta theksonte se “kryesore është që prindërit e fëmijët të punojnë për të ruajtur veten e tyre nga përmbajtjet abuzive”. Drejtuesja e rregullatorit britanik Rani Govender, tha se Meta dhe gjigantë të tjerë të internetit duhet të bëjnë më shumë nga ana e tyre. “Kjo duhet të shoqërohet me masa të tera mbrojtjeje kundër abuzimit seksual që gjendet kudo në Instagram, me mënyra që fëmijët të përfitojnë vërtet nga mbrojtja e ofruar në rrjet”, tha ajo. Meta përshkruante ndryshimet si “eksperiencë e re për adoleshentët, e udhëhequr nga prindërit”, duke shtuar se “shton mbështetjen e prindërve dhe qetësinë e tyre, pasi fëmijët kanë mbrojtjet përkatëse të aktivizuara”. Regullatorët gjithashtu kanë ngritur shqetësimin e neglizhencës së prindërve për të përdorur të gjitha opsionet e mbrojtjes së llogarive të fëmijëve të tyre. Javës që shkoi zyrtari i Meta, Sir Nick Clegg tha: “Një nga gjërat që kemi zbuluar është se … edhe kur ne i krijojnë këto mjete kontrolli, prindërit neglizhojnë t’i përdorin.” Ian Russell, bija e të cilit Molly hasi përmbajtje të rënda e traumatizuerse në rrjetin Instagram para se të vriste veten në moshën 14 vjecare, tha për rrjetin BBC se është e rëndësishme të kontrollohet zbatimi i politikave të reja nga të gjitha palët e përfshira. “Nëse funksionon apo jo, do ta shikojmë kur ato të vendosen në zbatim. Meta di shumë mirë si të reklamojë punën e vet me njoftime të mëdha në media, por ato duhet të jenë gjithashtu transparentë për mënyrat sesi do të funksionojnë ato”, tha babai i të ndjerës. Dhe në fakt rrjeti njofton se ndryshimet në Instagram përfshijnë përdoruesit e moshave 13 e 15 vjeç, me kontrolle të shtuara mbi përmbajtjet sensitive dhe rekomandime për materiale të dëmshme, ose ndalimin e njoftimeve me sinjal gjatë natës. Llogaritë sot të kenë parametrin ‘private’ dhe jo ‘publik’ në mënyrë që adoleshentët të pranojnë ndjekës të rinj por përmbajtjet e tyre të mos shihen nëse ata nuk bëhen ‘ndjekës’ të një përdoruesi tjetër. Ndërsa prindërit që zgjedhin të kontrollojnë llogarinë e fëmijës së tyre mund të shikojnë mesazhet e tyre dhe fushat ku ata kanë shprehur interes. Sistemi bazohet në sinqeritetin e përdoruesve për moshën e tyre, edhe pse Instagram ka mjetet për të verifikuar moshën nëse ka dyshime se ata nuk thonë të vërtetën. Nga janari në SHBA do të nisë përdorimi i inteligjencës artificiale për të zbuluar adoleshentët që përdorin llogari të rriturish, shoqëruar me masa penalizuese për shkelësit. Meta dhe Instagram nuk janë platformat e para që prezantojnë keto mjete për prindërit pasi Snapchat e YouTube kanë kufizuar rekomandimet ndaj videove të stërvitjes apo makijazhit që bëjnë adoleshentët “të adhurojnë” tipe të ndryshme të trupit, shpeshherë të rreme ose abuzive. Por rrjedhimisht prindërit nuk mund të kontrollojnë Instagram dhe algoritmin që shpërndan përmbajtjet për fëmijët e tyre. Eksperti i rrjeteve sociale Paolo Pescatore tha: “Është një hap i rëndësishëm ndaj aksesit të fëmijëve në rrjetet sociale dhe botës së materializmit e lajmeve të rreme, pasi celulari ka hapur një masë të re dezinformacioni dhe përmbajtje të papërshtatshme që kanë ndryshuar sjelljen e të miturve. Më shumë duhet bërë për mirëqenien dixhitale të fëmijëve dhe kjo nis me kthimin e kontrollit për prindërit”.

Top News – Vendet arabe braktisin Hamasin. Të ulë armët, të lirojë pengjet dhe të lëshojë Gazën
30/07 19:37
Top Channel/ ‘Përvëlohet’ Japonia! Shënon temperaturën më të lartë në histori, shkencëtarët…
30/07 18:27
Top News – Rusia ka imunitet ndaj sanksioneve! Putin i përgjigjet Trumpit pas ultimatumit të fundit
30/07 17:03
Top News- Izraelitët akuzojnë Izraelin për gjenocid / Grupet e të drejtave të njeriut thyejnë tabunë
30/07 16:57
Top News – Kina e Rusia ‘bashkojnë’ ushtritë / Manovra të përbashkëta në gusht, në det dhe në ajër
30/07 15:08
Top News – ‘Çmenden’ shpenzimet për ushtrinë / Gjermania rrit fondet, qindra miliarda euro më shumë
30/07 15:03
Top News – Momenti kur cunami mbërrin Japoninë / Si ndryshon niveli i ujit në portin e goditur
30/07 14:50
Top Channel/ Mjekët heronj! Mbajnë fort pacinetin në sallë gjatë lëkundjeve të tërmetit
30/07 13:44
Top News – Evakuohet centrali bërthamor…Frikë në Japoni për cunamin, kthehen hijet e të shkuarës
30/07 13:41
Top News- E gjithë Evropa juglindore në flakë / Zjarrfikësit të mbingarkuar, emergjenca s’ka mbaruar
30/07 13:40
Top News – Iskanderët rusë, ‘kasaphanë’ në Ukrainë / Raketa balistike mbi terrenin stërvitor
30/07 13:39
Top News – Ushtria gjermane kërkon vullnetarë / Ka nevojë për më shumë trupa, apeli pritet mirë
30/07 13:28
Top News – Britania sfidon SHBA-në dhe Izraelin: Njohja e shtetit palestinez nuk shpërblen Hamasin
30/07 13:03
Top News – Një nga 10 më të fuqishmit në histori / Ja tërmetet më shkatërruese që njerëzimi ka parë
30/07 12:53
Top News- Rrëzohet helikopteri! Tjetër tragjedi në ajër, viktima e te plagosur
30/07 12:34
Top News – Dallgë 5 metra të larta në Paqësor / Cunami arrin Hawain e Japoninë pas tërmetit në Rusi
30/07 12:26
Top News – ‘Ndal luftën në Ukrainë ose…’ / Trump humbet durimin me Putinin, vetëm 10 ditë kohë
30/07 12:25
Top Channel/ Komunizmi si nazizmi, Çekia do të dënojë me burg personat që përhapin komunizmin
30/07 12:11
Top Channel/ Virusi i Nilit vr*t në Itali, 6 persona kanë humbur jetën nga sëmundja që po përhapet
30/07 12:10
Top Channel/ Mlladiç: Po vd*s në burg, Gjykata e krimeve të luftës në Hagë refuzon kërkesën për liri
30/07 12:06