Gazeta me e madhe britanike The Sun i ka kushtuar një artikull të gjatë ekstradimit nga Turqia në Shqipëri të Dritan Rexhepit. “Mbreti i Kokainës” i cili mbushi Anglinë me drogë e i kërkuar për vrasjen e dy policëve kapet pas 27 vitesh në arrati” është titulli i The Sun online. Artikulli thekson se Shqipëria e fitoi garën me Italinë, Anglinë dhe Belgjikën në ekstradimin e vlonjatit ish student i drejtësisë Dritan Rexhepi. Vështirësitë dhe konkurrencën me Italinë të ekstradimit i ka rrëfyer për këtë media britanike drejtori i përgjithshëm i policisë së shtetit Ilir Proda. “Ekstradimi Dritan Rexhepit është një arritje e madhe e cila tregon besimin që gëzon Policia e Shtetit tek partnerët në të gjithë botën. Në të njëjtën kohë është një shërbim i madh për drejtësinë shqiptare dhe dërgon një mesazh të fortë se asnjë i kërkuar shqiptar nuk është i sigurt atje ku fshihet. Falënderoj kolegët turq që mundësuan ekstradimin e tij në vendin tonë. Ishim në një konkurrencë të fortë me Italinë se kush do ta ekstradonte”, tha Ilir Proda. Kjo gazetë britanike e vendos theksin në sasinë e drogës çuar prej tij nga Ekuadori në portin e Portsmuthit por më pas nuk shkoi tek pritësit. E si pasojë kjo prodhoi pengmarrjen e Jan Prengës i cili mbeti i vrarë tek sa po e transportonin në kompleksi Golden në Shijak.