Mungesa e Sokoll Cikalleshit në listën paraprake për Euro 2024 të bërë publike nga trajneri i Kombëtares Silvinjo, habiti jo pak. Vetëm një ditë më pas, përmes një statusi ku nuk mungojnë notat e zhgënjimit, Cikalleshi njofton tërheqjen përfundimtare nga Kombëtarja. Ai shprehet krenar për përfaqësimin e fanellës kuqezi, ndërsa fundin e rrugëtimit e quan të bukur, ndonëse mënyrën e fundit nuk e zgjodhi vetë. “Rrugetimet jane te bukura, me uljet e ngritjet e veta. Gjatë rugetimeve nese gjerat i ke bere sic duhet, fundi eshte i lumtur, paçka se, jo gjithmonë e zgjedhim vetë mënyrën. Ka qene nje krenari dhe emocion i papershkueshem perfaqesimi i fanelles se ekipit kombetar te futbollit. Bartja e emocioneve te nje kombi mbi shpine, eshte sa privilegi, aq edhe nje pergjegjesi, cila me ka bere te perunjur dhe mirenjohes ndaj çdokujt qe besoi, ndaj çdokujt që me dha kurajo per te vazhduar, e padyshim, ne menyre te veçante ndaj çdokujt që brohoriti per mua”.